Umschlag doppelt.PNG

Diari d'imprender - introducziun

Daspö il cumanzamaint da l'an da scoula 2018/2019 lavura la scoula primara da S-chanf cun ün diari d'imprender. La 1a & 2a classa ho üna versiun adatteda a lur s-chelin. La 3a - 6evla classa lavura culla listessa versiun dal diari. Düraunt l'an da scoula survegnan ils scolars e las scolaras trais ediziuns dal diari. Mincha ediziun vain druveda per 13 eivnas (resp. 12 eivnas).

 
Umschlag doppelt.PNG

Diari d'imprender - cuntgnieu

I'l diari chatta il scolar/ la scolara tuot las infurmaziuns necessarias da si'eivna. Cò tacha el aint sieu plaun da l'eivna, planisescha e nota la survista da si'eivna e do ün rimbomb e/u survain ün rimbomb da la persuna d'instrucziun u dad ün/a conscolar/a a la fin da l'eivna. In quist connex haun lö eir discuors da coaching traunter scolar/a & persuna d'instrucziun.

Il diari fuorma eir ün mez da comunicaziun da genituors culla scoula, inua cha genituors paun der lur rimbomb, ma sun eir infurmos da que chi gira e passa a scoula. Eir invistas intermedieras dal svilup da l'iffaunt sun da chatter i'l diari d'imprender.

Mia pagina a la fin da minch'eivna sun paginas cun ingiuvineras da tuotta sorts.

 
Umschlag doppelt.PNG

Diari d'imprender - cumpetenzas

Las seguaintas cumpetenzas vegnan trenedas culla lavur cul diari

  • ils iffaunts saun planiser lur egen pensum da lavur

  • ils iffaunts saun valüter lur eivna e der ün rimbomb

  • ils iffaunts saun motiver ed argumanter lur idejas e lur punct da vista

  • ils iffaunts haun chüra da lur diari ed in generel dal materiel da scoula 

 

081 851 22 96

©2019 Promoziun e talents. Creo culla plattafuorma Wix.com