Pledpierla 2017
Eir l'an 2017 ün an da success
Eir l’an 2017 ho la Lia Rumantscha / l’Uniun dals Grischs organiso darcho la concurrenza da scriver Pledpierla. Quista vouta cul titul Ün di da nar. Noss scolars e nossas scolaras da la 5 & 6evla classa da S-chanf s’haun partecipos a la concurrenza – eir quist an cun ün resultat grandius.
Flurin Bott da S-chanf ho nempe ragiunt il prüm rang cun sieu text Ün di da nar u ün di per gnir nar!
Sinceras gratulaziuns al vandscheder!
Il text da Flurin Bott culla laudatio da la giuria as po ler in quista rubrica.
Bun divertimaint!
Laudatio pel text da Flurin Bott
Laudiatio da la giuria
Quist text da nar descriva „Ün di per gnir nar“ d’ün paur mez nar.
L’autur da l’istorgia, Flurin Bott, quinta d’ün paur engiadinais frustrà. Siond ch’el vezza il muond da maniera negativa til capitan eir chosas dischagreablas. L’istorgia dal scolar da sesavla classa es concepida fich bain e riva da manar, cun ün rier, il lectur subit aint il muond da quist pover schani d’ün paur chi s’agita da bunura fin saira. Flurin as concentrescha consequentamaing sülla tematica d’ün di da nar, o plüchöntsch d’ün di per gnir nar, e tegna quel fil cotschen da möd impreschiunant sainza til perder ün mumaintin our dal focus. Mincha frasa es necessaria per cha’l text saja cler. Grazia eir ad üna lingua fich variada e viva reuschischa a Flurin Bott da s-chaffir ün text plain tensiun, chi po far tschüffer las larmas dal rier, ma chi’d es listess eir profuond avuonda uschè cha’l text dà da pensar al lectur.
Il stil da l’autur es ourdvart original ed agen uschea cha l’istorgia tant daplü culur.
Cha quist es ün text da nar es stat indiscutabel per tuot la giuria.
Tinetta Rauch
Prelecziun da Flurin Bott
Ün di da nar u ün di per gnir nar
