TII staunza Elvira.jpg

Lecziuns dad LII

Lecziun d'imprender individuela

Las LII sun fixedas i’l urari da scoula e vegnan realisedas regulermaing (scha pussibel üna lecziun al di, almain 4 dis l’eivna).
Illas LII haun ils scolars e las scolaras la pussibilited da lavurer vi da lur incumbenzas dal plaun da l’eivna, vi da lavuors da proget, lavuors per l’imprender individuel, settings d’imprender (per ragiundscher diversas patentas), etc. Las LII rimplazzan las lecziuns cumünaivlas dal paun da l’eivna fin a cò. La magistraglia ho eir tar las LII la lezcha da coach d’imprender, da persuna da sustegn ed agüd. La scoulina as partecipescha a las LII üna vouta l’eivna. Ils iffaunts da scoulina elavureschan settings d’imprender chi düran püssas eivnas in fila. Las LII haun lö sül prüm plaun, illas duos staunzas da las 3a & 4a classa, illa staunza da la 5 & 6evla classa, i’l staunzin cotschen ed our i’l suler.

 
LII staunza Brigitte.jpg

Lecziuns da TII

Temp d'imprender individuel

Las lecziuns da TII rimplazzan las lecziuns da lezchas tradiziunelas fin a cò e vegnan spüertas sainza cha que resultan cuosts per las famiglias. Las lecziuns da TII haun lö sper las lecziuns da l’urari da scoula e vegnan survagliedas ed accumpagnedas da la magistraglia. In quistas lecziuns da TII haun ils scolars e las scolaras la pussibilited da fer las lavuors dal plaun da l’eivna ch’els nu sun rivos da fer a fin düraunt las lecziuns dad LII. Que significha cha las lezchas fundamentelas sun fattas, imprender per clausuras haun ils iffaunts da fer a chesa, scha nu vessan dad avair tauntas lecziuns da TII cha basta eir per quecò. Il böt es cha’ls scolars e las scolaras nun hegian pü da fer lezchas a chesa e cha que gratagia da motiver als iffaunts da fer adöver da quistas lecziuns. Las lecziuns da TII haun lö illas staunzas da scoula.