L'importanza dal teater

Svilup persunel e creativited

Teater es da granda valur per iffaunts e creschieus, ho ün’importanza enorma pel svilup persunel ed emoziunel, promouva la creativited, la fantasia, ingrandescha il s-chazi da pleds. Il teater promouva la sgürezza in se stess, l’intuiziun, incuraschescha als iffaunts da s’exprimer libramaing davaunt public e promouva la collavuraziun traunter pêr, ma eir il sen per la respunsabilited dal singul.
Cun giuver a teater haun ils iffaunts l’occasiun dad esser ün’otra persuna. Uschè vain promovida l’empatia pel visavi, la toleranza pel prossem. La dinamica persunela, ma eir la dinamica da gruppa es i’l center, uschè cha’ls iffaunts imprendan in möd cooperativ.
Teater es lingua, richa, bella, varieda, melodiusa.